Ikerketaren Espainiako egoerari eta lehiakortasunean eta enpleguan duen eraginari buruzko txostena

asteazkena, 04 azaroak 2015

EGABek araudi, zerga eta finantza neurriak proposatu ditu I+G+B hobetzeko

Espainiako EGABen arabera, hauxe LEHIAKORTASUNaren urtea da. Izan ere,
3 txosten prestatu ditu, Espainiako ekoizpen ehunaren lehiakortasunerako erabakitzaileak diren alderdiak aztertu, eta hori handitzeko neurriak proposatzen dituztenak.
PNR 2014k helburutzat jo du 2020an I+G+Bko inbertsioa BPGd-aren % 2koa izatea, EBk ezarri duen % 3ri uko eginda.
I+G+Bko finantzaketa urria, arazo bakarra ez izateaz gain, Espainiako zientziaren eta teknologiaren sistemako ahultasun nabarmenenetako bat eta ekonomiaren egiturazko lehiakortasuna hobetzeko oztopo handia da. Estatuko I+G+Bko gastua % 60,5 uzkurtu da 2009tik 2013ra bitartean, eta autonomia erkidegoetako agregatua, berriz, % 30,2 2008tik 2012ra bitartean.
EGABek lehentasunezkotzat jo du 2011n onetsitako Ikerketako Estatu Agentzia garatzea.
Txostenak patenteen araudiaren erreforma eskatu du, segurtasun juridikoa eta industriala hobetzeko.
Sistemaren konplexutasunari eta administrazio eta kudeaketa kostu handiari lotutako oztopoak kentzea, zerga pizgarriak enpresei (bereziki ETEak) aplikatzean.

Gaur Bilbon, Euskadiko Ekonomia eta Gizarte Arazoetarako Batzordearen egoitzan, hain zuzen, Espainiako Erresumako EGABek Espainiako I+G+Bren egoerari eta lehiakortasunean eta enpleguan duen eraginari buruz egin duen txostena aurkeztu da.

Espainiako EGABen arabera, hauxe LEHIAKORTASUNaren urtea izan da. Izan ere, bere ekimenez 3 txosten prestatu ditu, Espainiako ekonomiak beste herrialde batzuen aurrean duen lehiakortasunerako funtsezkoak diren alderdiak garatzen dituztenak.

Espainiako enpresak barne-merkatuan daukan lehiakortasunari, ekoizpen egiturari, inportazioei eta ziklo ekonomikoari buruzko txostena. Martxoaren 25eko bilera.
I+G+Bren Espainiako egoerari eta lehiakortasunean eta enpleguan duen eraginari buruzko txostena Ekainaren 25eko bilera.
Gaitasun profesionalei eta enplegagarritasunari buruzko txostena. Urriaren 21eko bilera.

Espainiako enpresak indartzea –gure merkatuan bertan lehiakide dituzten enpresen salmentei aurre egiteko–, ikerketa eta garapena sustatzea, eta ekoizpen beharrizanekin bat datorren hezkuntza eredua garatzea funtsezko eginkizunak dira, Espainiako lehiakortasuna handitu eta ekoizpen eredu berria bideratu nahi bada; azken horrek susperraldia finkatzen eta enpresa ehunari egonkortasun handiagoa ematen lagunduko du, enplegu egonkorragoa sortuta.

Gaur Bilbon aurkeztu den txostenak Espainiako I+G+Bren azterketa garatu, eta hala-holako emaitza agertu du Europako beste ekonomia batzuen ratioen aurrean. Halaber, neurrien multzoa iradoki du, egoera leheneratzeko eta Espainiako enpresen lehiakortasuna bultzatzeko.

ESPAINIAKO I+G+B-REN EGOERA

Gertaerak

Espainiak bere BPGd-aren % 1,24 erabili zuen I+Grako 2013an (% 1,35 2010ean), Batasunaren % 2,02ko batezbestekoaren aldean.
Estatuko I+G+Bko gastua % 60,5 uzkurtu da 2009tik 2013ra bitartean, eta autonomia erkidegoetako agregatua, berriz, % 30,2 2008tik 2012ra bitartean.
Enpresa inbertsioak I+G+Bko gastu osoaren % 53 hartu zuen Espainian urte horretan, Europako batezbestekoa baino hamar puntu txikiagoa izanda.
Enpresa berritzaileak % 34 dira Espainian; 28ko EBn eta Alemanian, berriz, % 49 eta % 67, hurrenez hurren.
Krisialdian enpresa berritzaileek nabarmen egin dute behera: 2009an 30.000 ziren, eta 2013an 16.000 baino ez.

Faktoreak

Finantzaketa publikorik eza.
Jakintza helarazteko arazoak.
Arazoak pizgarrietan eta mugikortasunean.
Atzerapena erakunde esparru berriaren garapenean.

Helburuak

Erreformen 2014ko Plan Nazionalak helburutzat jo du 2020an inbertsioa BPGd-aren % 2koa izatea, Bruselatik ezarri den % 3ri uko eginda.
Gaur egungo enpresa inbertsioa (BPGd-aren % 0,66 2013an) bikoiztea (% 1,2).
Berrikuntzaren EBko batezbestekora heltzea.
Genero berdintasuna hobetzea ikerketaren arloan.
Autonomia erkidegoen arteko aldea txikiagotzea.

Honako arlo hauetako neurriak:

Erakunde esparrua.
Finantza esparrua.
Pizgarrien sistemak.

IKERKETA ETA GARAPENA HOBETZEKO PROPOSAMENAK

I+G+Bren erakunde esparrua hobetzea

Zientziari buruzko 2011ko Legea osatzea, Ikerketako Estatu Agentzia, ikertzaileen estatutua, enpresa berritzaile gazteen estatutua eta ikerketa erakunde publikoen (OPI) berrantolaketa garatuta.
I+G+B handitzea, politika guztiak lehenetsita eta Parlamentuaren kontrol handiagoarekin koordinatuta.
Erakunde publikoen eta pribatuen arteko lankidetza handitu eta hobetzea, bereziki enpresen eta hezkuntza eta zientzia esparruaren artean, unibertsitateen arteko lankidetzako ikerketa programa estrategikoak, zientzia eta teknologia parkeak eta enpresak sustatuta eta unibertsitate ikertzaileak enpresetan sartzen lagunduta.
Patenteen araudia hobetzea, segurtasun juridikoa eta industriala emateko, jabetza intelektuala behar bezala babestuta eta patenteen eta asmakizunen hedapena hobetuta.
Ikerketa publikoaren emaitzen ustiapena, haren lege babesa eta gaitasun berritzailea areagotzea. Komenigarria izango litzateke unibertsitateko patenteak eta spin-off izenekoak sortzen laguntzea, unibertsitateen jakintzaren hedapena bultzatzea eta finantzaketa iturriak egonkortzea.

I+G+Bren finantza esparrua hobetzea

Funts publikoen azken urteotako murrizketak eta plantillen murrizketak eta zahartzeak zalantzan jartzen dute Espainiako sistemaren bideragarritasuna. Berrikuntzaren aldeko apustuak epe luzerako ikuspegia eta inbertsio iraunkorrak egitea dakar.
I+G+Brako gastu publikoaren ehuneko handiena erabiltzen duten autonomia erkidegoak Euskal Autonomia Erkidegoa eta Nafarroa dira, hau da, berrikuntza sistema oso garatuak dituzten eskualdeetako bi, baita Errioxa, Andaluzia, Gaztela eta Leon eta Extremadura ere; azken horiek hain aurreratuta ez dauden sistemak dituzte, baina beren gobernuek borondate berezia daukate, garapen ekonomikoa jakintzaren bidez sustatzeko.
Zenbait lurraldetan berrikuntzaren eta garapen teknologikoaren eta industrialaren arloetan dagoen arrakastak gainerako lurraldeetarako erreferentzia gisa balio lezake.
Sistemaren konplexutasunari eta administrazio eta kudeaketa kostu handiari lotutako oztopoak kentzea, zerga pizgarriak enpresei (bereziki ETEak) aplikatzean.
Espainiak EBko funtsak itzultzeko tasa txikia dauka. Itzulketa handitzeko baldintzetako bat aurkezten diren proiektuen kopurua sustatzea izango litzateke.

Pizgarriak hobetzea

Sozietateen gaineko Zergari dagokionez, kuotan kenketak eta oinarrian murrizketa daude. Baina zerga kredituaren moneta likidazioko sistema berria eta “patent box” delakoa arauz garatu behar dira. Halaber, txosten arrazoitu lotesleak emateko epeak laburtu behar dira, sistemari gardentasun eta segurtasun juridiko handiagoak emateko.
Foru lurraldeetako zerga pizgarrien eskema eta araubide erkidekoa antzekoak dira, baina lehenengoa askoz eskuzabalagoa da, zerga onuren norainokoari eta tamainari dagokienez.
Erosketa publiko berritzailea. Zerbitzu publikoak hobetzeko prozeduretan berrikuntza elementu eragiletzat jotzea.
Arrisku-kapitala. Esparru arautzaile eraginkorra eta egonkorra garatu behar da, enpresak finantzatzeko formula den aldetik funtzionamendu arina bermatzen duena.

Bestelako neurriak

Enpresa handien eta ETEen arteko sinergia sortzea.
Espezializazio adimenduneko eskualde estrategietarako (politika industriala, eskualde garapena eta egiturazko funtsak) arreta handiagoa.
Enpresen arteko edo klusterreko lankidetza horizontala handitzea.
Enpresek ikerketarako pizgarriei buruz daukaten informazioa handitzea.

ERANSKIN ESTATISTIKOA

Iturria: Eurostat, Main indicators. R&D expenditure by sectors.

Iturria: EIN

GASTU PUBLIKOA, AUTONOMIA ERKIDEGOEN ARABERA

Iturria: Estatuko Administrazioko Kontu-hartzailetza Nagusia eta EIN.

Enpresa berritzaileak, Autonomia Erkidegoen arabera, 2011-2013

(Erkidego bakoitzeko enpresa guztien gaineko kopurua eta ehunekoa –10 langile edo gehiago–.. Hirurtekoan berritzaileak* izan diren enpresak)

*Kopuru osoa ez da berrikuntza teknologikoen eta ez teknologikoen batura, enpresa batzuek bi berrikuntza motak gauzatzen baitituzte.

Iturria: EIN: Enpresetako berrikuntzari buruzko inkesta 2013.

I+Gko gasturako helburuak, herrialdeen arabera, EUROPA 2020 estrategian

(BPGd-aren ehunekoaren arabera)

Iturria: Europako Batzordea.

IKUSI TXOSTEN OSOA:

http://www.ces.es/documents/10180/2471861/Inf0215.pdf

Ekonomia eta Gizarte Arazoetarako Batzordea (EGAB)

EGAB Espainiako Gobernuaren arlo sozioekonomikorako eta lanerako kontsulta organo nagusia da. Bertan herrialdeko sindikatu garrantzitsuenak, enpresak (CEOE eta Cepyme) eta hirugarren sektoreko erakundeak (kontsumitzaileak, kooperatibak, nekazariak eta arrantza sektorea) ordezkatuta daude. Ekonomia eta Gizarte Arazoetarako Batzordeak, bere ekimenez txostenak prestatzeaz eta Gobernuak bidali beharreko ekonomia arloko lege aurreproiektuei buruzko irizpena ematez gain, legearen arabera urtero memoria bat egin behar du, Espainiako urte horretako ekonomia, lan eta gizarte egoera aztertzen duena.

Informazio handiagoa:

Juan Ferrari

91 429 00 18 luz.: 431 / 687 98 79 33