IRIZPENA 4/22, OTSAILAK 25EKOA, ETXEBIZITZA LEGEZ OKUPATZEKO ESKUBIDE SUBJEKTIBOARI BURUZKO DEKRETU-PROIEKTUARI BURUZKOA

2022ko otsailaren 4an, Ingurumen, Lurralde Plangintza, Etxebizitza eta Garraio Sailaren idazkia jaso zen Euskadiko Ekonomia eta Gizarte Arazoetarako Batzordean, etxebizitza legez okupatzeko eskubide subjektiboari buruzko Dekretu Proiektuaren gaineko txostena eskatzeko, Euskadiko Ekonomia eta Gizarte Arazoetarako Batzordearen maiatzaren 17ko 8/2012 Legearen 3.1.b) artikuluan ezarritakoarekin bat etorriz.

Dekretu Proiektua Lurralde Plangintza, Etxebizitza eta Garraio Sailak egin du. Euskadiko Autonomia Estatutuaren 10.31 artikuluak EAEri etxebizitzaren, hirigintzaren eta lurralde-antolamenduaren arloetan eskumen esklusiboa ematen dio, eta zeregina betetzeko arauz Etxebizitzari buruzko 3/2015 Legearen 6., 7., 8. eta 9. artikuluak garatu ditu, etxebizitza legez okupatzeko eskubide subjektiboa arautzeaz gain. Hori bete behar da honako aukera baten bitartez: alokairuaren araubidean etxebizitza edo kanonarekin zuzkidura-bizitokia esleitzea ala, aukeran, etxebizitzarako prestazio ekonomikoa ematea, etxebizitza edo zuzkidura-bizitokia esleitzea ezinezkoa denean.

Otsailaren 4an, Dekretu Proiektuaren berri eman zitzaien Batzordeko Osoko Bilkurako kide guztiei, beren proposamenak eta iritziak bidal zitzaten, eta horien guztien berri eman zitzaion dagokion Lan Batzordeari, Gizarte Garapeneko Batzordeari, betiere Euskadiko Ekonomia eta Gizarte Arazoetarako Batzordearen Funtzionamenduari buruzko Erregelamenduan ezarritakoaren arabera. Gizarte Garapeneko Batzordeak lan-bilera bat egin zuen 2022ko otsailaren 21ean, Irizpen Aurreproiektuaren proposamen baten inguruan eztabaidatzeko; eta Irizpen Proiektua egitea erabaki zuen. Proiektua Euskadiko EGABren 2022ko otsailaren 25eko Osoko Bilkurari aurkeztu zitzaion, eta aho batez onartu zuten.

(Ikusi 4/22 Irizpen osoa)