13/24 IRIZPENA AZAROAREN 25EKOA, MERKASARETZA, MERKATARITZA LAGUNTZAKO PUNTUEN (MLP) EUSKAL SAREA SORTU ETA MERKATARITZA LAGUNTZAKO ZERBITZUEN ZORROA ZEHAZTEN DUEN DEKRETU-PROIEKTUARI BURUZKOA

2024ko azaroaren 5ean Ekonomia eta Gizarte Arazoetarako Batzordean Turismo, Merkataritza eta Kontsumo Sailaren idazkia jaso genuen. Horren bitartez, “MERKASARETZA, Merkataritza Laguntzako Puntuen (MLP) Euskal Sarea sortu eta Merkataritza Laguntzako Zerbitzuen Zorroa zehazten duen dekretu-proiektuari” buruzko txostena eskatu zuten, Ekonomia eta Gizarte Arazoetarako Batzordearen maiatzaren 17ko 8/2012 Legearen 3.1 artikuluan ezarritakoaren arabera.

Hizpide dugun arauaren xedea, lehen artikuluan xedatuta dagoen bezala, MERKASARETZA merkataritza-laguntzako puntuen euskal sarea sortzea da, merkataritza-banaketaren sektorearen erronka berriei aurre egiteko laguntza espezializatua emate aldera. Sarearen helburua prozesu koordinatuak sustatzea da, jarduketa-eremu bakoitzean saltokien lehiakortasuna hobetzen eta saltokiak etengabe aldatzen ari den ingurura egokitzen laguntzeko.

Kontseiluko Batzordeko kide guztiei berehala bidali zitzaien dokumentuaren kopia bana, proposamenak eta iritziak eman zitzaten eta horiek, aldi berean, zegokion Lan Batzordeari helaraz ziezazkieten, Euskadiko Ekonomia eta Gizarte Arazoetarako Batzordearen Funtzionamendu Araubidean ezarritakoarekin bat etorriz.

2024ko azaroaren 19an Ekonomia Garapeneko Batzordea bildu zen eta hartutako erabakietan oinarrituta, Irizpen Proiektu hau sortu zuen. Ondoren, Kontseiluaren Osoko Bilkurara eraman zen eta azaroaren 25ean gehiengoz onetsi zuten.

Ikus 13/24 irizpena